Ministria e Ekonomisë Tregtisë dhe Energjetikës

Italia do të vazhdojë financimin e SME-ve në Shqipëri

Zv. Kryeministri dhe Ministri i Ekonomisë, Tregtisë dhe Energjetikës, z. Edmond Haxhinasto, së bashku me Ambasadorin e Italisë në Tiranë, z. Massimo Gaiani zhvilluan sot një vizitë në dy ndërmarrje në Elbasan dhe Gramsh.

(më tepër…)

Shqipëria merr pjesë në mbledhjen e Task Forcës së Komunitetit të Energjisë

Shqipëria mori pjesë në mbledhjen e gjashtë të Task Forcës të Komunitetit të Energjisë që u zhvillua sot në Vienë të Austrisë. Task Forca e Komunitetit të Energjisë është një instrumenit i rëndësishëm rajonal për çështjet e sigurisë së furnizimit të vendeve të rajonit me energji, si dhe për integrimin e tregut shqiptar me atë europian. Në axhendën e mbledhjes së kësaj Task Force përfshihen zhvillimi i projekteve me rëndësi rajonale në kuadër të strategjisë rajonale të energjisë që u miratua në Këshillin Ministerial të komunitetit të energjisë në tetorin e vitit të kaluar në Budva, Mal i Zi.
Në takimin e sotëm u diskutua rreth projekteve të përzgjedhura nga kërkesat e qeverive të vendeve të komunitetit të energjsë si dhe nga investitorë të ndryshëm që kanë projekte në rajon. Shqipëria në këtë studim përfaqësohej me shtatë projekte, të përqëndruar në linjat e interkonjeksonit me vendet fqinje, në zhvillimin e burimeve të prodhimit të energjisë elektrike nga energjitë e rinovueshme si dhe në zhvillimin e sektorit të gazit.
Sipas kalendarit të punës së kësaj Task Force që parashikon diskutime në muajt mars dhe maj do të bëhet vlerësimi strategjik i projekteve të prezantuara. Në muajin qershor do të paraqitet për miratim raporti përfundimtar mbi projektet që do të klasifikohen fitues sipas prioriteteve të tyre dhe rëndësisë në tregun rajonal të energjisë.
Shqipëria së bashku me Malin e Zi, Serbinë, Moldavinë, Bosnje Hercegovinën, Maqedoninë, Kosovën, Ukrainën, Kroacinë dhe Bullgarinë janë vendet nënshkruese të Traktatit të Energjisë.